Gazetari Ilir Mirena ka reaguar ashpër pas zhvillimeve në Mitrovicë të Jugut, ku po hetohen dyshime për parregullsi në numërimin e votave. Duke iu referuar Vetëvendosjes, ai ka përdorur ironi të thellë dhe kritika të drejtpërdrejta ndaj partisë në pushtet, raporton Gazeta Metro.
Mirena shkroi në Facebook se nuk është aspak e vështirë të besohet që VV mund të jetë e përfshirë në skenar të tillë.
“Jaaa, durtë n’zjerm i shti për që t’vjedh Vetëvendosja!”, shkroi ai me ironi.
Në vazhdim, ai e ashpërsoi edhe më shumë tonin:
“Tybe, që thotë një fjalë, sa për ftyrë që kanë këta edhe ujin që e lanë xhenazen ta vjedhin.”
Reagimi i tij vjen në një kohë kur Prokuroria dhe Policia janë duke hetuar mospërputhjet e numrave serikë në disa fletëvotime në Mitrovicë, çështje që ka shkaktuar tensione të mëdha dhe ndalje të procesit të numërimit.
