Shtypshkronja sllovene “Cetis”, e cila ka shtypur fletëvotimet për zgjedhjet lokale në Mitrovicë, ka pranuar se një “gabim teknik” ka ndodhur në një nga katër kokat e printerit që shtyp numrin e vendvotimit. Problemi nuk është detektuar gjatë procesit të shtypjes, pasi sistemi i kontrollit monitoron vetëm numrin serik të fletëvotimeve.
Kompania ka shprehur keqardhje për incidentin dhe ka konfirmuar se mbetet në dispozicion të plotë të Komisionit Qendror të Zgjedhjeve për çdo ndihmë në hetimin dhe verifikimin e fletëvotimeve. Për këtë rast është njoftuar edhe Prokuroria e Shtetit.
