Janë publikuar rezultatet përfundimtare të votimit nga diaspora për rundin e dytë të zgjedhjeve lokale në Pejë, të mbajtur më 9 nëntor. Sipas të dhënave të Komisionit Qendror të Zgjedhjeve, kandidati i Lidhjes Demokratike të Kosovës, Gazmend Muhaxheri, ka siguruar mbi 50% të votave të mërgatës.
Muhaxheri ka marrë gjithsej 303 vota, që përbëjnë 56.22% të votave të diasporës. Ndërkohë, kandidati i Lëvizjes Vetëvendosje, Taulant Kelmendi, ka marrë 236 vota, ose 43.78%.
Rezultatet tregojnë se diaspora ka dhënë mbështetje të qartë për kandidatin e LDK-së në balotazhin për Pejën, duke pasur një rol të rëndësishëm në balancën finale të votave.
Zgjedhjet lokale në Pejë kanë qenë ndër më të ndjekurat, me interes të shtuar si brenda vendit ashtu edhe nga mërgata, e cila vazhdon të jetë një faktor kyç në proceset zgjedhore në Kosovë.
