Ardit Stafai, dikur një nga emrat më të spikatur të muzikës në Gostivar e më gjerë, do t’i bashkohet sonte shtëpisë së Big Brother VIP Kosova. Lajmi ka ngjallur interes të madh te publiku, veçanërisht pasi këngëtari është komentuar shpesh për ndryshimin e tij të madh në paraqitje.
I njohur si tenor lirik dhe pedagog i kantos, Arditi ka ndërtuar një karrierë të pasur si artist dhe profesor i pianos e solfezhit. Ai ka marrë pjesë e ka fituar çmime në festivale të shumta muzikore, si “Nota Fest”, “Show Fest”, “Poli Fest” dhe “Festivali i Këngës”.
Në nëntor 2024, ai ishte një nga 16 artistët pjesëmarrës në edicionin e dytë të “Festivalit të Këngës” në RTK, duke rikthyer vëmendjen e publikut mbi të.
Tashmë, Ardit Stafai pritet të sjellë art, emocion dhe karakter në shtëpinë e BBVK. Hyrja e tij sonte pritet të jetë një nga momentet më të komentuara të mbrëmjes.
