Kosova u shortua me Sllovakinë për gjysmëfinale, kurse në rast suksesi në këtë sfidë, atëherë në finale do të luajë ndaj fituesit të ndeshjes mes Turqisë dhe Rumanisë.
Në një prononcim për ‘GazetaBlic Sport’, Ramushi tha se Kosova mund të kalojë këtë kundërshtar, kurse veçoi atmosferën e mirë dhe rritjen e nivelit tek grupi.Ramushi tha fjalë të mëdha edhe për trajnerin Foda, i cili sipas tij, ka merita të mëdha për këtë sukses.
“Kosova është duke ecur përpara dhe po punon me përkushtim e disiplinë, si edhe me konkurrencën e brendshme brenda grupit. Ditë pas dite, përfaqësuesja është në përmirësim të vazhdueshëm. Kjo u pa edhe në ndeshjet e fundit.Tani kemi hyrë në fazën direkte të eliminimeve, pra nuk jemi më në fazën e grupeve. Me ardhjen e trajnerit Foda, shumë gjëra kanë ndryshuar në aspektin sportiv: është kthyer atmosfera pozitive dhe konkurrenca.
Kjo më bën të shpresoj shumë se mund ta kalojmë këtë fazë dhe, pse jo, të shkojmë edhe në Kampionatin Botëror. Mendoj që Sllovakia është një kundërshtar i kalueshëm“, deklaroi Ramushi.
Related
