Tifogrupi “Plisat” po vazhdon presionin dhe aksionet simbolike kundër kryesisë së klubit të basketbollit Prishtina, duke kërkuar largimin e menaxhmentit aktual. Sipas tyre, drejtimi i klubit nga Ferit Zekolli, Florian Miftari dhe Blerand Stavileci po e dëmton funksionimin dhe imazhin e klubit.
”Plisat”, të pakënaqur me mënyrën se si po menaxhohet Prishtina, së fundi kanë vendosur postere nëpër rrugët kryesore të kryeqytetit, me mbishkrimin “Larg Klubit”, duke kërkuar ndërrim të strukturave udhëheqëse.
Protestat e tifozëve kanë qenë të vazhdueshme gjatë javëve të fundit, me qëllimin e vetëm – ndryshimin e menaxhmentit dhe rikthimin e besimit tek klubi.
