Prishtinë, — Nisma Socialdemokrate, e udhëhequr nga Fatmir Limaj, ka konfirmuar sot se do të marrë pjesë e vetme në zgjedhjet parlamentare të 28 dhjetorit. Vendimi është bërë publik pas mbledhjes së kryesisë së partisë, ku u theksua se Nisma synon të paraqesë një ofertë të qartë politike dhe një program të fokusuar në zhvillimin ekonomik, drejtësinë sociale dhe forcimin e institucioneve.
Nisma pritet të publikojë listën e kandidatëve dhe platformën e plotë zgjedhore gjatë ditëve në vijim, ndërsa tashmë ka nisur përgatitjet për takime me qytetarë nëpër komunat e Kosovës.
