Kryetari i Skenderajt, Sami Lushtaku, ka komentuar vendimin e PDK-së për të rikthyer Ramiz Lladrovcin në strukturat e partisë. Në një deklarim për media, Lushtaku tha se sipas tij, Lladrovci “nuk ka qenë kurrë anëtar i PDK-së”, pavarësisht se partia e ka konfirmuar rikthimin e tij.
“Ramiz Lladrovci kurrë në jetë s’ka qenë në PDK. Nuk e di se prej nga dalin këto vendime, por unë e respektoj vendimin e kryesisë së partisë,” u shpreh Lushtaku.
Ai shtoi se ka qëndrim të qartë për angazhimin politik të Lladrovcit, por theksoi se nuk do të komentojë më tej për të mos krijuar tensione të brendshme.
Ndërkohë, PDK ka deklaruar se Lladrovci rikthehet në parti pas një periudhe shkëputjeje, ndërsa zyrtarë të lartë të kësaj partie kanë thënë se “nuk ekziston asnjë vendim i mëparshëm që e ka përjashtuar atë”.
Rikthimi i Lladrovcit ka nxitur reagime të ndryshme brenda degëve të PDK-së, sidomos në Skenderaj, ku ai dikur ka ushtruar funksione të rëndësishme politike.
