Një deklaratë e bërë së fundmi nga Xhuliana Nura (Xhuli), se ishte ndaluar nga autoritetet serbe në kufirin Serbi–Slloveni, ka nxitur reagime dhe pikëpyetje në opinionin publik, pasi një kufi i tillë realisht nuk ekziston.
Serbia nuk kufizohet në asnjë pjesë të territorit të saj me Slloveninë, fakt i njohur gjeografik, çka e bën të pamundur ekzistencën e një pike kufitare direkte mes dy vendeve. Kjo ka çuar në dyshime nëse bëhet fjalë për një “huqje” në deklarim apo për një trillim të ngjarjes.
Deri më tani, Xhuliana Nura nuk ka dhënë sqarime shtesë lidhur me këtë mospërputhje, ndërsa reagimet në rrjete sociale kanë qenë të shumta, me qytetarë që kërkojnë shpjegim më të qartë për vendndodhjen dhe rrethanat e ndalimit të pretenduar.
Ngjarja mbetet e paqartë, në pritje të një reagimi apo korrigjimi zyrtar nga vetë Nura.
