Një përshkallëzim i tillë do të dëmtonte satelitët civilë dhe ushtarakë, navigimin global dhe shërbime kritike për ekonominë botërore.
Shërbimet e inteligjencës së NATO-s dyshojnë se Rusia po punon për një armë të re hapësinore, që synon të neutralizojë rrjete të tëra satelitësh – përfshirë Starlink të Elon Musk – duke përdorur re me fragmente të vogla mbetjesh në orbitë.
Sipas vlerësimeve, koncepti do të kishte të bënte me shpërndarjen e qëllimshme të mbetjeve mikroskopike për të goditur njëherësh shumë satelitë, duke kufizuar dominimin perëndimor në hapësirë. Ky dominim ka rezultuar kritik në mbështetjen e Ukraina në fushëbetejë, veçanërisht për komunikime, koordinim dhe zbulim.
Megjithatë, ekspertët paralajmërojnë për një rrezik të madh anësor: një sulm i tillë mund ta shndërrojë orbitën në një fushë të pakontrollueshme mbetjesh (fenomen i ngjashëm me “sindromën Kessler”), duke rrezikuar të gjithë operatorët hapësinorë – jo vetëm Perëndimin, por edhe vetë Rusinë dhe Kina.
Një përshkallëzim i tillë do të dëmtonte satelitët civilë dhe ushtarakë, navigimin global dhe shërbime kritike për ekonominë botërore.
Analistët theksojnë se, ndonëse aftësitë anti-satelit po zhvillohen nga disa shtete, përdorimi i mbetjeve si armë do të përbënte një hap tejet destabilizues, me pasoja afatgjata për sigurinë hapësinore dhe për vetë aktorët që do ta ndërmerrnin një veprim të tillë.
