Andi Bushati, analist nga Shqipëria, ka shkruar një opinion rreth fitores së VV-së në zgjedhjet e 28 dhjetorit.
Bushati ka vlerësuar në tone pozitive këtë fitore.
Sipas Bushatit, Kurti vërtetoi se mund të fitosh pa bashkëpunuar me oligarkinë financiare dhe pa blerë televizionet.
“Në këtë vigjilje të ndërrimit të viteve ky version unik i historisë ka rënë. Albin Kurti dhe Vetëvendosja vërtetuan me forcën e shembullit, se është e mundur të fitohet një mandat i tretë, madje plebishitar, edhe pa bashkëpuniar me oligarkinë financiare edhe pa blerë televizionet e mëdha, edhe pa kapur drejtësinë edhe pa nënshtruar shoqërinë civile dhe sindikatat. Mjafton të mos punosh për një pakicë, mjafton të mos besosh te manipulimi por te puna, mjafton të mos shndërrohesh në lake të ndërkombëtarëve, që të shantazhojnë me dosje korruptive dhe mund ti përballosh lehtësisisht akuzat e opozitave, kritikat e mediave, dyshimet e prokurorëve” – ka shkruar ai.
