Prokurorja e Përgjithshme e Shteteve të Bashkuara, Pam Bondi, ka njoftuar se presidenti në detyrë i Venezuelës, Nicolás Maduro, dhe bashkëshortja e tij, Cilia Flores, janë akuzuar zyrtarisht në Distriktin Jugor të Nju Jorkut.
Sipas akt-akuzës së publikuar nga Department of Justice, Maduro akuzohet për:
-
Narco-terrorizëm
-
Importim të kokainës në SHBA
-
Mbajtje dhe përdorim të armëve automatike dhe pajisjeve shkatërruese
-
Përdorim të këtyre armëve në lidhje me trafikun e drogës
Akt-akuzë superseding e publikuar në Southern District of New York përfshin gjithashtu 14 zyrtarë aktualë ose ish-zyrtarë venezuelanë, pjesë e Kartelit të Los Soles. DOJ pretendon se Maduro dhe bashkëpunëtorët e tij kanë bashkëpunuar me organizatën terroriste kolumbiane FARC për të përdorur kokainën si një “armë” kundër Shteteve të Bashkuara.
Dokumentet zyrtare përshkruajnë një rrjet të korruptuar që përfshin zyrtarë të lartë të Venezuelës dhe bashkëpunimin me FARC për shpërndarjen e kokainës me transport detar dhe ajror përmes Karaibeve dhe Amerikës Qendrore drejt tregut amerikan.
Si pjesë e këtij aksioni, Shtetet e Bashkuara kanë kryer sulme në disa baza ushtarake në Venezuelë, ndërsa presidenti amerikan, Donald Trump, konfirmoi se forcat e SHBA-së kanë “kapur Presidentin Maduro dhe gruan e tij dhe i kanë nxjerrë jashtë vendit” në koordinim me administratën e drejtësisë amerikane.
Trump kishte paralajmëruar javët e fundit mundësinë e sulmeve tokësore në Venezuelë si pjesë e “luftës kundër karteleve të drogës”, duke deklaruar se ditët e Maduro-s ishin “të numëruara”./Qendra.INFO
Burimi: U.S. Department of Justice
