Një autobus që po udhëtonte nga Kosova drejt Zvicrës është përfshirë nga flakët rreth orës 20:00 në territorin e Kroacisë.
Sipas raporteve fillestare, askush nuk është lënduar, ndërsa pasagjerët arritën të largohen në kohë para se autobusi të mbulohej nga tymi.
“Lëndime nuk ka. Askush nuk është lënduar, kaq dimë,” ka deklaruar një familjar i njërit prej pasagjerëve.
Ngjarja ka alarmuar banorët dhe autoritetet lokale, të cilët kanë shkuar menjëherë në vendngjarje për të siguruar situatën dhe për të hetuar shkakun e zjarrit.
Pamjet nga vendi i ngjarjes tregojnë autobusin të mbuluar nga tymi, ndërsa pasagjerët qëndrojnë pranë, duke vlerësuar dëmet dhe duke siguruar bagazhet e tyre.
