Ministri i Mbrojtjes, Ejup Maqedonci, ka arritur të sigurojë mbi 33 mijë vota më shumë në zgjedhjet e dhjetorit 2025, duke marrë 98,117 vota, krahasuar me 65,056 votat në zgjedhjet e shkurtit të po këtij viti.
Kjo rritje e ndjeshme e mbështetjes shoqërohet me vlerësime të larta për punën e tij si ministër i Mbrojtjes, ku Maqedonci shihet si një nga figurat më të suksesshme të qeverisë Kurti. Analistët politikë lidhin këtë me arritjet e tij në fushën e forcave të sigurisë, veçanërisht në modernizimin dhe armatimin e FSK-së.
Suksesi i tij përfshin marrëveshje të rëndësishme ndërkombëtare, si me Shtetet e Bashkuara të Amerikës, ashtu edhe me Turqinë, ku ditë më parë FSK pranoi sistemin antiraketor turk, duke forcuar kapacitetet e sigurisë së vendit dhe integritetin territorial të Kosovës.
Rritja e votave dhe arritjet konkrete të Maqedoncit e vendosin atë si një figurë kyçe brenda partisë dhe në skenën qeverisëse, duke i dhënë mbështetësve argumente të forta për punën e tij efektive në Ministrinë e Mbrojtjes./Qendra.INFO
