Prishtinë – Kryetari i Lidhjes Demokratike të Kosovës, Lumir Abdixhiku, ka reaguar përmes një postimi në Facebook pas zhvillimeve të fundit brenda partisë, duke deklaruar se ka ofruar dorëheqjen e tij si akt moral dhe përgjegjësie politike, ndërsa vendimin final ia ka lënë Kuvendit të LDK-së.
Abdixhiku ka bërë të ditur se diskutimet brenda strukturave të partisë kanë zgjatur mbi pesë orë e gjysmë, ku, sipas tij, janë dëgjuar me vëmendje të gjitha kritikat, shqetësimet dhe qëndrimet, për të dalë në fund me një vendim që përfaqëson vullnetin e shumicës dërrmuese.
“Kam marrë hapin më moral që një kryetar mund ta marrë: kam ofruar dorëheqjen time. Kam hapur rrugën për secilin që ka pretendime. Vendimi tani nuk është më i imi, por i LDK-së”, ka shkruar Abdixhiku.
Ai ka theksuar se nuk është i lidhur me pozitën, por me partinë, duke nënvizuar se LDK-ja duhet të ruhet me rregull, dinjitet dhe besim në anëtarësinë e saj. Sipas tij, më shumë se dorëheqja nuk ka çfarë të ofrojë një politikan, ndërsa çdo eliminim apo ndryshim politik duhet të vendoset vetëm nga anëtarësia dhe jo individualisht.
Kryetari i LDK-së ka konfirmuar se është thirrur Kuvendi i partisë, ku do të hapet debati dhe do të merren vendimet përfundimtare lidhur me udhëheqjen. Ai ka bërë thirrje për qetësi, përgjegjësi dhe shmangie të “dramës dhe protagonizmit”, duke theksuar se LDK-ja është institucion dhe jo reagim i çastit apo vendim i rrjeteve sociale.
“Fatin tim politik e vendos përballë LDK-së, jo mbi LDK-në. Çfarëdo vendimi që merr Kuvendi, do ta respektoj me nder dhe qetësi”, ka përfunduar Abdixhiku.
Postimi i tij vjen në një moment tensionesh të brendshme në LDK, pas dorëheqjes së Hykmete Bajramit nga pozita e nënkryetares dhe thirrjeve për përgjegjësi pas rezultateve zgjedhore.
Postimi i plotë:
“Më shumë se dorëheqja nuk kam çfarë të ofroj!
