Kryetari i Partisë Demokratike të Kosovës (PDK), Bedri Hamza, ka përkujtuar ish-Presidentin e Kosovës, Dr. Ibrahim Rugova, në 20-vjetorin e ndarjes së tij nga jeta.
Përmes një postimi, Hamza ka vlerësuar figurën historike dhe kontributin e Rugovës në rrugëtimin shtetformues të Kosovës, duke theksuar rolin e tij udhëheqës në një periudhë të rëndësishme dhe sfiduese për vendin.
Sipas Hamzës, Rugova i priu popullit të Kosovës në kohë përpjekjesh të vazhdueshme për afirmim politik dhe ndërkombëtar, duke përfaqësuar një qasje të veçantë politike dhe intelektuale që la gjurmë të thella në diskursin publik dhe në proceset vendimtare të asaj kohe.
“Nderime jetës dhe veprës së ish-Presidentit Ibrahim Rugova”, ka përfunduar Hamza. /Demokracia.com/
