Prokuroria e Specializuar e Hagës ka përmbyllur fjalën përfundimtare në procesin gjyqësor kundër personave të akuzuar për krime të luftës, duke nënvizuar rëndësinë e sundimit të ligjit.
Në fjalën e saj para gjykatës, kryeprokurorja Kimberly West theksoi se gjatë hetimeve dhe seancave dëgjimore janë paraqitur mbi 5 000 prova dhe dëshmitë e mbi 130 dëshmitarëve janë marrë në konsideratë për të ndriçuar faktet e çështjes.
West nënvizoi se qëllimi i punës së zyrës së prokurorisë ka qenë që të sigurohet lëndë e fortë dhe e bazuar në prova, për të vërtetuar përgjegjësitë penale të të akuzuarve. Ajo tha se procesi është një pjesë e theksuar e parimit të shtetit ligjor dhe llogaridhënies, veçanërisht kur flitet për krime serioze të kohës së luftës.
Në fjalimin e saj, kryeprokurorja deklaroi se askush, pavarësisht nga pozita apo fuqia, nuk është mbi ligjin, dhe se drejtësia duhet të shërbejë për viktimat që kanë përjetuar pasoja të rënda nga krimet e ngritura në aktakuzë.
Ky është një moment i rëndësishëm në këtë proces gjyqësor që vazhdon në Gjykatën Speciale në Hagë, ku palët do të paraqesin edhe fjalët përfundimtare para vendimit të gjykatës./Qendra.INFO
