Kryeministri i Shqipërisë, Edi Rama, ka folur për dënimin e ish-krerëve të UÇK-së të propozuar nga Zyra e Prokurorit Special në Hagë.
Rama tha se përpara se të merrnin lajmin e rëndë nga Tribunali, ishte e vështirë të shkruhej një fjalë e drejtë përballë një situate të tillë.
“Propzimin për të marrë pjesë në këtë promovim, përpara se të merrnim lajmin e zymtë nga Tribunali në Hagë, kërkesën absurde të prokurorëve për të dënuar 45 vjet çdo njeri prej krerëve të UÇK-së, dhe për hir të së vërtetës, e pata të vështirë të shkruaj ndonjë fjalë. Sepse, përballë një situate të tillë, fjalët mund të jenë të pavlera. Ndërkohë që, ndër disa mendime, besoj se mund të vlejnë të ndahen disa këtu”, tha Rama.
Po ashtu, kryeministri Rama në fjalën e tij tha se Prokurorët e Hagës nuk janë thjesht idiotë; janë edhe më politikë se prokurorët e Serbisë.
