Kryeministri i Kosovës, Albin Kurti, deklaroi se takimi i tij me kryetarin e Lidhjes Demokratike të Kosovës (LDK), Lumir Abdixhiku, ka kaluar në një atmosferë konstruktive, por ende nuk është arritur një zgjidhje për zgjedhjen e presidentit të vendit.
Kurti tha se bisedimet zhvillohen në mënyrë të qetë dhe se palët do të vazhdojnë të komunikojnë për të gjetur një figura konsensuale që mund të sigurojë mbështetje në Kuvend.
Ky takim është pjesë e një serie konsultimesh politike mes LVV-së dhe opozitës për të gjetur një kandidatë që mund të marrë të paktën 80 vota në parlament, një kusht kushtetues për zgjedhjen e presidentit para fundit të afatit të përcaktuar.
Nga ana e LDK-së, Abdixhiku ka theksuar se partia nuk ka pasur refuzim ndaj ndonjë kandidature dhe është e hapur për diskutime të mëtejshme, por deri tani nuk është bërë ndonjë propozim konkret./Qendra.INFO
