Deputeti i Partia Demokratike e Kosovës, Përparim Gruda, ka akuzuar kryeministrin Albin Kurti dhe Lëvizja Vetëvendosje për një agjendë të fshehur që synon të bllokojë zgjedhjen e presidentit të ri.
Sipas Grudës, zgjedhja e presidentit duhet të bëhej para përfundimit të mandatit të presidentes Vjosa Osmani më 4 prill, për të shmangur situatën e ushtruesit të detyrës së presidentit, që ai e konsideron jo normale.
Ai tha se qëllimi i LVV-së është që kryetarja e Kuvendit, Albulena Haxhiu, të bëhet ushtruese e detyrës së presidentit, duke zvarritur procesin.
Gruda gjithashtu konfirmoi se PDK ende nuk ka marrë ftesë nga Kurti për takim dhe nuk do të japë votë për kandidatët e LVV-së pa marrëveshje politike.
“Pa Vetëvendosjes nuk zgjidhet presidenti, pa njërin prej neve të opozitës nuk mundet. Nëse nuk zgjidhet presidenti, shkojmë drejt zgjedhjeve automatikisht,” tha Gruda.
