Mbrojtja e Jakup Krasniqit ka dorëzuar dosjen përfundimtare, duke kërkuar lirimin e tij nga të gjitha akuzat.
Kryembrojtësja Venkateswari Alagendra ka deklaruar se prokuroria ka dështuar t’i vërtetojë pretendimet, duke theksuar se rasti është ndërtuar kryesisht mbi thashetheme dhe jo mbi prova të forta.
Sipas saj, pavarësisht qindra dëshmitarëve dhe mijëra provave të paraqitura, prokuroria nuk ka arritur të dëshmojë fajësinë e Krasniqit.
Mbrojtja ka ngritur dyshime edhe për besueshmërinë e provave që vijnë nga Serbia, duke theksuar se ato mund të jenë të ndikuara nga propaganda.
Në fund, është kërkuar që Krasniqi të shpallet i pafajshëm për të gjitha pikat e aktakuzës.
