Një vajzë e mitur që ishte raportuar e zhdukur në Prizren është lokalizuar nga Policia pas ndërhyrjes së shpejtë të hetuesve
Sinjali raporton me burime se pas pranimit të informacionit për zhdukjen e së miturës, njësitet e hetimeve për të mitur në Prizren kanë nisur kërkimet intensive në terren.
Pas disa orësh angazhim, Policia ka arritur ta lokalizojë vendndodhjen e vajzës, e cila fillimisht është shoqëruar në Stacion Policor për procedurat e nevojshme.
Më pas, e mitura është dërguar për kontroll mjekësor në Spitalin Rajonal në Prizren dhe në fund i është dorëzuar familjarëve.
Lidhur me rastin është njoftuar edhe Prokurorja Kujdestare e Departamentit për të Mitur, ndërsa rasti po trajtohet sipas procedurave për person të zhdukur-gjetur.
