Një person ka pësuar lëndime trupore, pasi dyshohet se ka rënë nga një shtyllë elektrike.
Ngjarja ndodhi sot rreth orës 13:40 në Klinë.
Lajmin për Klankosova.tv e ka konfirmuar zëdhënësi i Policisë Rajonale në Pejë, Driton Rugova, i cili tha se fillimisht Policia është njoftuar nga QKMF-Klinë për një person të lënduar.
“Sot rreth orës 13:40, Policia është njoftuar nga QKMF-Klinë se një person është i lënduar. Policia menjëherë ka dalë në vendin e ngjarjes”, ka deklaruar Rugova.
Sipas tij, në vendin e ngjarjes është kuptuar se personi i lënduar ka rënë nga një shtyllë elektrike.
“Atje është kuptuar se personi i lënduar ka rënë nga shtylla elektrike”, ka thënë ai.
Rugova bëri të ditur se i lënduari është dërguar për trajtim mjekësor në Spitalin Rajonal të Pejës.
“I njëjti është dërguar në Spitalin Rajonal në Pejë për tretman mjekësor”, u shpreh ai për Klankosova.tv.
Policia ka bërë të ditur se rasti është duke u hetuar për të sqaruar rrethanat e ngjarjes.
