Kryeprokurori i ri i Shtetit, Zejnulla Gashi, ka pranuar detyrën e re nga ushtruesi i detyrës së Kryeprokurorit të Shtetit, Agron Qalaj, me zotimin se do të jetë “Kryeprokuror i të gjithëve.
Gashi mbajti një fjalë të shkurtë para gazetarëve, derisa s’pranoi të përgjigjet në pyetjet e gazetarëve.
“Faleminderit kolegëve për besimin e dhënë. Unë do të jem Kryeprokuror i të gjithëve dhe së bashku me të gjithë do të punojmë në forcimin e sundimit të ligjit”, tha ai.
Ushtruesja e detyrës së presidentes, Albulena Haxhiu, dje ka dekretuar Gashin, duke ia përshkruar edhe rolin që ai duhet ta ketë.
“Beteja kundër krimit të organizuar, korrupsionit, ndjekja e kriminelëve të luftës, dhunuesve dhe krimit të çfarëdo forme duhet të marrin përgjigje të prerë nga organi i akuzës. Sapo e pranova detyrën nga ushtruesi i detyrës së Kryeprokurorit të Shtetit, zoti Qalaj. Faleminderit kolegëve për besimin e dhënë. Unë do të jem kryeprokuror i të gjithëve dhe së bashku të gjithë do të punojmë në forcimin e sundimit të ligjit”, u shpreh ai.
