Policia e Kosovës, ka njoftuar se ka ndëshkuar një person me gjobë për kundërvajtje në trafik, në Mitrovicën e Veriut.
Në njoftim shtohet se, shoferi, M.H ka drejtuar automjetin me shpejtësi prej 117 km/h, në një zonë ku kufizimi i lejuar është 60 km/h, ndaj të cilit, është shqiptuar, gjobë në vlerë prej 300 €; 3 pikë negative; Masë mbrojtëse – ndalim i drejtimit të mjetit motorik për 3 muaj.
Postimi:
Ndëshkohet shoferi për kundërvajtje trafiku në veri
Mitrovicë Veri , 15.07.2026
Rreth orës 09:05, njësia rajonale e trafikut rrugor Mitrovicë Veri, në rrugën magjistrale Leposaviq–Mitrovicë, përkatësisht në fshatin Serbovc, ka ndaluar një automjet të tipit Audi Q5 me targa të huaja.
Gjatë kontrollit, është konstatuar se shoferi M.H. (1999) po drejtonte automjetin me shpejtësi prej 117 km/h, në një zonë ku kufizimi i lejuar është 60 km/h. Shpejtësia është matur me radar mobil.
Për këtë kundërvajtje, ndaj shoferit janë shqiptuar këto masa:
• Gjobë në vlerë prej 300 €
• 3 pikë negative
• Masë mbrojtëse – ndalim i drejtimit të mjetit motorik për 3 muaj
Zyrtarët policorë të Drejtorisë Rajonale të Policisë Mitrovicë Veri, gjatë periudhës janar–qershor 2026, kanë shqiptuar gjithsej 8,718 tiketa trafiku.
Drejtoria Rajonale e Policisë Mitrovicë Veri do të vazhdojë me kontrolle të rregullta dhe aktivitete me qëllim të rritjes së sigurisë në rrugë dhe respektimit të ligjeve të trafikut.
Ftojmë qytetarët që të bashkëpunojnë me policinë, duke raportuar çdo shkelje apo rrezik në trafikun rrugor përmes:
192 – numri emergjent
0800 19 999 – linjë pa pagesë
038/504 504 4800 – linjë pa pagesë
038/504 504 4801 – linjë pa pagesë
045/960-572
Aplikacioni “Lajmëro Policinë”
Të gjitha informacionet e pranuara trajtohen me konfidencialitet të plotë.
