Një banor i zonës përreth pikëkalimit kufitar Bllacë, ku ndodhi aksidenti tragjik që mori jetën e tre shtetasve të Kosovës nga Vushtrria, ka rrëfyer se policia kishte kërkuar ndihmën e banorëve për gjetjen e tyre, pasi kishin humbur kontaktet.
Ai tha se autoritetet u kishin bërë thirrje banorëve të zonës që të njoftonin policinë nëse shihnin ndonjë shenjë apo merrnin ndonjë informacion, derisa trupat e pajetë të Ejup Tërnavës, Cennet Tërnavës dhe Fatmire Shabanit u gjetën më vonë në një veturë të përmbysur në afërsi të kufirit me Kosovën.
“E kena kuptu, isha tu shku për Shkup, policia më ndaloi dhe pyta çka ka, dhe më tregoi kështu, kështu… i ka hup sinjali dhe, në qoftë se keni mundësi me na ndihmu, se jeni të fshatit, të rrethinës… Kemi intervenu me njerëz, kemi kqyr, djemtë kanë kqyr, s’kena pa, por një polic i Bllacës ka thane, ‘Mos rastësisht ka dalë asaj rruge… dhe e gjeti veturën’, dhe i ka pa tre të vdekurit dhe ka lajmëru policinë e ambulancën. Ne jemi njerëz të afërt këtu. Policia, domethënë, ka kërku ndihmë prej neve që, kushdo që ka informacione, me lajmëru policinë”, tha ai
