Policia e Kosovës ka kërkuar bashkëpunimin e qytetarëve për identifikimin e një personi të dyshuar për përfshirje në veprën penale “Vjedhje”.
Sipas njoftimit, Sektori i Hetimeve të Kryeqytetit, me autorizim nga prokuroria kompetente, po kërkon informacione që do të ndihmonin në identifikimin e personit që shihet në fotografitë e publikuara.
Policia u bën thirrje të gjithë qytetarëve që kanë ndonjë informacion të kontaktojnë në numrin 192 ose përmes emailit info@kosovopolice.com.
