Qarkullimi është rënduar ndjeshëm në rrugët kryesore që çojnë drejt bregdetit të Kroacisë, ndërsa autoritetet u kanë bërë thirrje shoferëve të përshtatin shpejtësinë dhe mënyrën e drejtimit me kushtet në rrugë.
Sipas Klubit Kroat të Automobilizmit (HAK), në autostradën A1 Zagreb–Split–Dubrovnik ndodhi një aksident trafiku mes zonës së pushimit Draganiq dhe nyjës Karlovac, në drejtim të Dubrovnikut. Për shkak të aksidentit u krijua kolonë që në kulm arriti deri në 25 kilometra, por më vonë u reduktua në disa kilometra.
Trafik i dendur raportohet edhe në rrugën shtetërore DC1 Zagreb–Karlovac–Split, e njohur si rruga e vjetër e Karlovacit, të cilën shumë drejtues e përdorin si alternativë. Lëvizja nga Zagrebi drejt Karlovacit zhvillohet ngadalë me kolona të gjata, ndërsa ngadalësime ka edhe në zonën e punimeve mes Kninit dhe Graçacit, pranë Otriqit.
