Si pasojë e përplasjes mes tri automjeteve në fshatin Landovicë, në rrugën magjistrale Prizren-Gjakovë, të paktën një person raportohet se ka pësuar lëndime.
Rastin për Klankosova e ka konfirmuar zëdhënësi i policisë për rajonin e Prizrenit, Shaqir Bytyqi.
Ai bëri të ditur se përpos raportimit për një person të lënduar, janë shkaktuar edhe dëme materiale.
Ndërkohë, njësitet policore kanë dalë në vendin e ngjarjes dhe janë duke u marrë me trajtimin e rastit.
