Pas një vakti të bollshëm, shumëkush tundohët të shtrihet për pushim. Por ekspertët e shëndetit paralajmërojnë se qëndrimi pasiv menjëherë pas ushqimit mund të mos jetë alternativa më e mirë për trupin tuaj.
Sipas nutricionistes amerikane Nicolette Pace, aktivitetet e lehta fizike pas ngrënies – si një shëtitje e qetë – mund të ndihmojnë ndjeshëm në tretje, të përmirësojnë metabolizmin, të ulin ruajtjen e yndyrës në trup dhe të balancojnë nivelin e sheqerit në gjak.
Cilat janë aktivitetet e rekomanduara pas ushqimit?
-
Shëtitje e lehtë
-
Çiklizëm me intensitet të ulët
-
Joga ose ushtrime relaksuese
Ndërkohë, trajneri i fitnesit Baltazar Villanueva thekson se duhet shmangur çdo formë aktiviteti të rëndë si vrapimi intensiv apo ngritja e peshave menjëherë pas vakteve. Sipas tij, trupi është i fokusuar në procesin e tretjes, dhe aktiviteti i fortë mund të shkaktojë probleme me stomakun, përfshirë të përziera dhe fryrje.
Sa kohë duhet të prisni përpara se të ushtroheni?
-
30–60 minuta pas një vakti të lehtë
-
1.5–2 orë pas një vakti të rëndë
Ekspertët këshillojnë që çdo njeri të dëgjojë sinjalet e trupit të vet. Nëse ndiheni të rënduar ose të fryrë, më mirë të shtyni aktivitetin fizik ose të kufizoheni në lëvizje shumë të lehta.
Mesazhi kryesor? Lëvizja e moderuar pas ushqimit mund të jetë aleati më i mirë i trupit tuaj – mjafton të zgjidhni ushtrimet e duhura dhe kohën e përshtatshme.
