Ajri i pastër po zhduket: Vetëm 14% e qyteteve në botë janë të sigurta për frymëmarrje
Vetëm 14 përqind e qyteteve në botë kanë ajër të sigurt, një rënie nga 17 përqind vitin e kaluar, sipas raportit të IQAir për vitin 2025.
Analiza përfshiu 9,446 qytete në 143 vende dhe tregon një përkeqësim të vazhdueshëm të cilësisë së ajrit, kryesisht si pasojë e ndryshimeve klimatike dhe djegies së lëndëve fosile, raportoi Euronews.
Vetëm 13 vende në botë përmbushin standardet e Organizata Botërore e Shëndetësisë për ajër të pastër — dhe vetëm tri prej tyre janë në Evropë: Andorra, Estonia dhe Islanda.
Ndërkohë, 91 përqind e vendeve në botë nuk arrijnë nivelet e sigurta të ajrit.
Pesë shtetet më të ndotura janë Pakistani, Bangladeshi, Taxhikistani, Çadi dhe Republika Demokratike e Kongos.
Në Evropë, ndotja vazhdon të rritet në shumë vende, ndërsa qytete si Parisi dhe Londra renditen ndër më të ndoturat në kohë reale.
Ekspertët paralajmërojnë se tymi nga zjarret, pluhuri dhe ndotja nga lëndët fosile po e bëjnë ajrin gjithnjë e më të rrezikshëm për shëndetin.
