Dy persona kanë humbur jetën si pasojë e një aksidenti të rëndë trafiku që ka ndodhur sot në rrugën Prishtinë – Pejë, raporton Gazeta Sinjali, transmeton Qendra Info.
Lajmin e ka konfirmuar për redaksinë Naser Syla, drejtor i Klinikës Emergjente në QKUK. Ai ka bërë të ditur se përveç dy viktimave, një i ri rreth 19-vjeç ka pësuar lëndime të rënda dhe aktualisht ndodhet në sallën e operacionit.
“Pacienti është në gjendje jo të mirë shëndetësore,” ka deklaruar Syla.
Autoritetet kompetente pritet të japin detaje shtesë rreth shkaqeve të aksidentit.
