Një aksident trafiku është regjistruar sot në rrugën “Muharrem Fejza” në Prishtinë, ku janë përfshirë dy vetura.
Sipas informacioneve të siguruara nga Qendra.info, përplasja ka shkaktuar dëme materiale, dhe për momentin nuk ka të dhëna nëse ka persona të lënduar.
Aktualisht, rruga është e bllokuar për qarkullim, ndërsa njësitë policore ndodhen në vendin e ngjarjes dhe po merren me hetimet dhe menaxhimin e situatës.
U bëhet thirrje qytetarëve që të shmangin këtë segment rrugor dhe të përdorin rrugë alternative deri në normalizimin e plotë të qarkullimit.
Për më shumë detaje, qëndroni me Qendra.info.
