Një aksident trafiku ka ndodhur para pak minutash në fshatin Gllarevë, përgjatë magjistrales Prishtinë–Pejë.
Në fotografi shihet se në aksident janë përfshirë dy automjete të cilave u është shkaktuar dëmtim i konsiderueshëm material, ndërsa prania e policisë në vendngjarje sugjeron se po bëhet menaxhimi i situatës dhe rregullimi i qarkullimit. Si pasojë e përplasjes është krijuar kolonë e gjatë automjetesh në të dyja kahjet.
Ende nuk dihet nëse ka persona të lënduar, ndërsa policia pritet të japë detaje të tjera në vijim.
Magjistralja Prishtinë–Pejë është një prej segmenteve më të ngarkuara në vend, ku shpesh raportohen aksidente për shkak të fluksit të madh të automjeteve./Qendra.Info
