13 Tetor 2025 | Qendra.info
Një operacion i befasishëm policor është zhvilluar pasditen e së dielës në qytetin e Elbasanit, ku dy persona të njohur si pjesë e botës së krimit janë arrestuar nga forcat e rendit.
Sipas raportimeve, operacioni është ndërmarrë rreth orës 15:30 në një lokal përgjatë aksit Elbasan – Ish-Metalurgjia, në fshatin Katund i Ri.
Policia ka rrethuar të gjithë zonën përpara se të ndërhynte në ambientet e lokalit, duke bërë arrestimin e menjëhershëm të dy të dyshuarve.
Ky operacion është cilësuar si një nga më të rëndësishmit e muajve të fundit në Elbasan – qytet që prej vitesh përballet me grupe të fuqishme kriminale.
Derisa nuk janë publikuar ende identitetet e personave të arrestuar, pritet që Policia e Shtetit të dalë me një deklaratë zyrtare në orët në vijim.
