Ministrja në detyrë e Industrisë, Ndërmarrësisë dhe Tregtisë, Rozeta Hajdari, ka paralajmëruar se sot (14 nëntor) në orën 15:00 do të mbajë konferencë për media, ku pritet të adresojë akuzat dhe zhvillimet e fundit lidhur me rezervat shtetërore.
Përmes një njoftimi, MINT ka bërë të ditur se konferenca do të mbahet në objektin e ministrisë, ndërsa pritet që ministrja Hajdari të ofrojë sqarime të detajuara rreth çështjes që së fundi ka shkaktuar reagime në opinionin publik.
Njoftimi i plotë i ministrisë:
“Ministrja në detyrë e Ministrisë së Industrisë, Ndërmarrësisë dhe Tregtisë, znj. Rozeta Hajdari, sot më datë 14 nëntor në ora 15:00, do të mbajë konferencë për media.”
Konferenca mbahet në kohën kur ndaj zyrtarëve të MINT-it është ngritur aktakuzë në lidhje me menaxhimin e rezervave shtetërore – një temë që ditëve të fundit ka qenë në qendër të debatit politik dhe publik.
Qendra.info do t’ju informojë me detajet e konferencës sapo të publikohen.
