Ismail Morina, i njohur si “Ballisti”, ka ndezur kureshtjen e tifozëve duke paralajmëruar diçka të madhe në prag të ndeshjes mes Serbisë dhe Shqipërisë, e vlefshme për kualifikimet e Kupës së Botës 2026.
Në faqen e tij zyrtare në rrjetet sociale, “Ballisti” ka nisur numërimin e ditëve deri te përballja e 11 tetorit, kur Shqipëria do të sfidojë Serbinë në stadiumin “Dubocica” të Leskovcit.
Ky paralajmërim ka rikthyer menjëherë kujtimet e incidentit të famshëm të vitit 2014, kur Morina lëshoi dronin me flamurin kuqezi në stadiumin e Beogradit. Ajo ngjarje solli tensione të mëdha dhe në fund, falë vendimit të CAS-it, Shqipëria fitoi tri pikët në tavolinë.
Tifozët tashmë po pyesin: a ka për të ndodhur një befasi e re, ashtu si dikur? Mbetet të shihet në 11 tetor.
