Dy të dyshuar janë arrestuar të enjten për nxitje të përçarjes dhe mosdurimit gjatë një aksioni të Njësisë së Kundër-Terrorizmit në Prishtinë.
Një bastisje është zhvilluar në shtëpinë e dy të dyshuarve, tha policia në raportin 24-orësh.
Sipas njoftimit të policisë, në shtëpitë e të dyshuarve janë sekuestruar pajisje elektronike e flamuj me mbishkrime arabe që përdoren nga organizata terroriste.
“Policia e Kosovës, përmes drejtorisë kompetente në mbështetje të njësiteve relevante, në koordinim me Prokurorinë, kanë kontrolluar shtëpinë e dy të dyshuarve meshkuj kosovarë. Si prova materiale janë sekuestruar disa pajisje elektronike, flamuj me mbishkrime Arabe e që përdoren nga Organizata Terroriste”, thuhet në raportin 24-orësh të PK-së.
“Dy të dyshuarit janë arrestuar nën dyshimin se të njëjtit kanë kryer veprën penale të lartëcekur dhe pas intervistuar me vendim të prokurorit, janë dërguar në mbajtje”.
