Emri i Astrit Shabanit, ish-ushtar i Ushtrisë Çlirimtare të Kosovës, vazhdon të përmendet në disa media serbe, të cilat prej vitesh e rikthejnë në fokus sa herë flasin për luftën e Kosovës dhe rolin e UÇK-së.
Sipas këtyre mediave, Shabani paraqitet si një ndër emrat që Beogradi e përmend shpesh në narrativat e veta për konfliktin, gjë që tregon qartë se kontributi i luftëtarëve të UÇK-së ende mbetet i fortë në kujtesën e palës serbe. Përmendja e tij e vazhdueshme shihet nga shumë qytetarë në Kosovë si dëshmi se ata që mbrojtën vendin e tyre në momentet më të vështira, vazhdojnë të qëndrojnë në qendër të vëmendjes së atyre që dikur u përballën me ta.
Në Kosovë, Astrit Shabani përmendet si pjesë e brezit që iu përgjigj thirrjes për liri dhe që qëndroi në rreshtat e parë të rezistencës. Fakti që emri i tij përsëritet vazhdimisht në mediat serbe shihet nga shumë shqiptarë si një njohje indirekte e rolit të tij dhe të UÇK-së në mbrojtjen e vendit.
Pavarësisht mënyrës se si ai portretizohet nga Beogradi, një gjë mbetet e pakontestueshme: emrat e luftëtarëve të UÇK-së, përfshirë edhe Astrit Shabanin, vazhdojnë të jetojnë në kujtesën e popullit si simbol i qëndresës për lirinë e Kosovës./Qendra.INFO
