Avokati mbrojtës i Hashim Thaçit, Pierre Prosper, sot ka marrë pjesë në shtrimin e argumenteve përmbyllëse të mbrojtjes.
Prsoper më së shumti është fokusuar në hedhjen poshtë të pretendimit të Prokurorisë se Wesley Clark dhe James Rubin si dëshmitarë ndërkombëtarë s’kanë pasur informacione të thella për gjendjen në Kosovë gjatë viteve të 90-ta.
Teksa Prosper ka treguar për rëndësinë dhe rolet e rëndësishme të Rubin si asistent i Madeleine Albright dhe gjeneralit me katër yje, Wesley Clark, prokurori Halling që kishte bërë deklaratën rreth dëshmitarëve ndërkombëtarë, është parë në një moment duke mbyllur sytë.
