Disa ditë më parë, policia serbe bastisi shtëpinë e Naim Ramizit, ish-ushtarit të UÇPMB-së, në Tërnoc të Bujanocit. Ngjarja ka shkaktuar reagime të shumta në Luginë të Preshevës dhe në Kosovë.
Në një intervistë për emisionin Kosova Today në Klan Kosova, Ramizi tregoi se bastisja lidhet me presionin ndaj tij dhe paralajmëroi kthimin në vendin e lindjes.
“Vitin që vjen, në mars, plotësohen 20 vite dhe bëhet parashkrimi i veprës sime. Në këtë situatë, Serbia nuk ka të drejtë të më kërkoj ndërkombëtarisht ose të më arrestojë. Kam nisur procedurat ligjore për parashkrim dhe kam paralajmëruar se do të kthehem në vendin tim të lindjes. Ndoshta jo për të jetuar, por për të vizituar familjen dhe vendin tim për të cilin kam shumë mall”, tha Ramizi.
Ai shtoi se bastisja e fundit ka të bëjë me presion ndaj tij dhe e konsideron veten “të padëshirueshëm” në këtë vend./QENDRA.INFO
