Mediumi prestigjioz BBC ka bërë një analizë rreth deklaratave të presidentit amerikan, Donald Trump, lidhur me ndaljen e luftërave. Në mesin e “luftërave të ndaluara” që ka përmendur i pari i SHBA-së është edhe “konflikti mes Kosovës dhe Serbisë”.
Teksa Shtëpinë e Bardhë më 18 gusht, ku u shty nga udhëheqësit evropianë që të nxiste armëpushim, ai deklaroi: “Unë kam përfunduar gjashtë luftëra… të gjitha këto marrëveshje që bëra pa përmendur as fjalën ‘armëpushim’”.
Të nesërmen numri që ai përmendi ishte rritur në “shtatë luftëra”.
Më 27 qershor, Trump pretendoi se kishte parandaluar një shpërthim armiqësie midis Kosovës dhe Serbisë, duke thënë: “Serbia dhe Kosova do të shkonin përpara, do të ishte një luftë e madhe. Unë thashë nëse shkoni përpara, nuk ka tregti me Shtetet e Bashkuara. Ata thanë, ndoshta nuk do të shkojmë përpara”.
Siç e përshkruan BBC, vendet kanë qenë prej kohësh në mosmarrëveshje, me tensione në rritje vitet e fundit.
“Serbia dhe Kosova nuk kanë luftuar me njëra-tjetrën, kështu që nuk është luftë që do të mbarojë”, na tha Prof. MacMillan, raporton Periskopi.
Shtëpia e Bardhë i tha BBC-së se iu referua përpjekjeve diplomatike të Trump në mandatin e tij të parë.
Dy vendet nënshkruan marrëveshje për normalizimin ekonomik në Zyrën Ovale me presidentin në vitin 2020, por siç e përshkruan mediumi britanik, ato nuk ishin në luftë në atë kohë./Periskopi
