Brenda BE’së, tashmë është politikë zyrtare siç duket se kreu i Vetëvendosjes është vetëm aq. Një lider i një subjekti politik që s’ka legjitimitetin e duhur, transmeton Gazeta Metro.
Klan Kosova raportoi ekskluzisht tutje, se kryetarit të Lëvizjes Vetëvendosje, Albin Kurtit, nga shefat e Misioneve të BE-së i ka shkuar një letër, të cilën dhe redaksia e ka siguaruar, ku në të flitet për pakënaqësitë ndaj ekzekutivit në detyrë, referuar mosrespektimit të aktgjykimit të Gjykatës Supreme të datës 25 qershor 2025.
Televizioni bën të ditur se kryeministri në detyrë i vendit, Albin Kurti, është qortuar ashpër mbi zhvillimet e ngërçeve aktuale institucionale.
”Në interes të qëndrueshmërisë institucionale dhe respektimit të sundimit të ligjit, vizitorët e nivelit të lartë nga Shtetet Anëtare të BE-së dhe institucionet e BE-së do të përmbahen, përkohësisht, nga mbajtja e takimeve me Kryeministrin në detyrë dhe ministrat brenda ndërtesës së Qeverisë së Kosovës, derisa të jetë në funksion një Qeveri me mandat të plotë”, theksohet ndër tjera në letrën ekskluzive që ka siguruar.
Ndërkaq BE ka shprehur qëndrim kritik ndaj Kurtit vazhdimisht. Madje edhe vizitat zyrtarëve shtetëror janë mbajtur nëpër restorante për shkak të jolegjitimitetit të tij.
Për shkak të mungesës së legjitimitetit funksionarët e BE’së e përcaktojnë se askush nuk do t’i shkojë në zyre, një sinjal i mëtutjeshëm i konsideratës jo vetëm për të dhe kabinetin e tij, por edhe Kosovën rrjedhimisht.
Kjo u pa fillimisht si indikacion në komunikatën e fundit të Bashkimit Europian kur e adresuan krizën e tentimit të ndalimit ilegal të Listës Serbe në KQZ, Aty iu referuan partisë Vetëvendosje jo institucioneve të Kosovës.
Shefja e diplomacisë së Kaja Kallas në vizitën e saj në maj kishte pritur kreun e Vetëvendosjes në Zyrën e BE’së në Prishtinë./gazetametro.net
