Tiranë, 17 tetor 2025 – Presidenti i Shqipërisë, Bajram Begaj, priti sot Ali Ahmetin, i cili ndodhet në Tiranë për të marrë pjesë në protestën e Organizatës së Veteranëve të Luftës së UÇK-së.
Begaj vlerësoi rolin e Ahmetit si një nga themeluesit e UÇK-së dhe theksoi se tubimi me veteranët në Tiranë dëshmon mbështetje unanime të shqiptarëve ndaj luftës së drejtë për çlirimin e Kosovës.
“UÇK-ja bën krenar çdo shqiptar. Ajo është pjesë thelbësore e historisë sonë, sepse bëri një luftë të drejtë ndaj padrejtësisë shekullore,” tha Begaj, duke shtuar se organizata ka pasur gjithmonë mbështetjen e aleatëve, pasi ka qenë një organizmë çlirues dhe jo okupues.
Gjatë takimit u diskutua edhe për faktorin shqiptar në rajon, duke përfshirë bashkëpunimin dhe unitetin për çështje të identitetit kombëtar, paqen, sigurinë dhe integrimin euroatlantik. Begaj garantoi mbështetjen e Shqipërisë ndaj përpjekjeve për një jetë më të mirë për qytetarët shqiptarë në rajon.
