Deputetja e PDK-së, Blerta Deliu, ka reaguar ashpër ndaj vendimeve të institucioneve për ndërprerjen e energjisë elektrike për bizneset.
“Bravo Qeverisë dhe ZRRE-së! 1400 biznese pa rrymë, mijëra punëtorë pa punë – padyshim mënyra më ‘efikase’ për të mbrojtur ekonominë dhe shpresën e qytetarëve”, ka shkruar ajo në një postim në rrjete sociale.
Sipas Deliut, ky veprim dëmton drejtpërdrejt ekonominë, bizneset dhe qindra familje që mbështeten nga vendet e punës të rrezikuara. Ajo ka kërkuar përgjegjësi nga qeveria dhe rishqyrtim urgjent të vendimit.
