Kushtetuesja ka përcaktuar që kandidati i njëjtë mund të votohet vetëm deri në tri herë. Gjykata Kushtetuese po ashtu ka urdhëruar deputetët që të jenë të pranishëm në seancën konstituive dhe të marrin pjesë në votim, shkruan gazeta online Reporteri.net.
Deputetja e Partisë Demokratike e Kosovës (LDK), Blerta Deliu, ka thënë se Gjykata Kushtetuese dha verdiktin që e prisnin.
Ajo tha se kjo tregon se gjithë kohën kishin drejtë.
Tutje, tha se kryesuesi i seancës Avni Dehari e ka shkelur Kushtetutën.
“Gjykata Kushtetuese dha verdiktin që e prisnim! Kishim të drejtë TËRË KOHËN: Qeverisja e Albin Kurtit, përmes Avni Deharit, ka shkelur Kushtetutën në secilën seancë që nga 1 maji. Detyruan votim të fshehtë dhe na mohuan të drejtën për votë të hapur për Kryetar Kuvendi”.
“Ky është një dështim i rëndë institucional dhe mungesë totale respekti ndaj ligjit dhe demokracisë. Kosova meriton udhëheqje me përgjegjësi dhe respekt për Kushtetutën, jo shkelje të qëllimshme e të përsëritura”, ka shkruar Deliu.
