Kandidatja për deputete nga PDK, Blerta Deliu, ka hedhur akuza të ashpra ndaj qeverisë Kurti, duke thënë se ajo po ushqen një diskurs përçarës dhe autoritar në shoqërinë kosovare.
Në emisionin “Pressing” në T7, Deliu deklaroi se Kosova nuk ka qenë kurrë më e polarizuar, pasi sipas saj, kushdo që mendon ndryshe nga Lëvizja Vetëvendosje etiketohet si “spiun i Serbisë”.
“Shoqëria kosovare vazhdon të jetë më e polarizuar se kurrë. Ekziston një diskurs i rrezikshëm që kush nuk mendon si ne, quhet spiun i Serbisë. Kjo është një tendencë autoritarizmi që po e shohim vazhdimisht”, ka thënë Deliu.
Ajo theksoi se kjo qasje po dëmton rëndë demokracinë dhe lirinë e mendimit, duke krijuar klimë frike dhe përçarjeje politike në vend./Qendra.INFO
