Në seancën e Këshillit të Sigurimit të OKB-së, Britania e Madhe ka kërkuar që Serbia të dorëzojë Milan Radoiçiqin, organizatorin e sulmit në Banjskë, duke theksuar se “llogaridhënia është vonuar shumë”.
Përfaqësuesja britanike ka bërë thirrje edhe vendeve që ende nuk e kanë njohur pavarësinë e Kosovës, ta bëjnë këtë menjëherë, duke e cilësuar njohjen si thelbësore për stabilitetin e rajonit dhe zhvillimin e vendit.
Britania kërkoi gjithashtu zbatim të marrëveshjeve ekzistuese, përfshirë formimin e Asociacionit të Komunave me Shumicë Serbe, dhe rishikim të rolit të UNMIK-ut, duke theksuar se “OKB-ja duhet të fokusojë resurset aty ku kanë ndikim real”./Qendra.INFO
