Një ngjarje historike për qytetin e Bujanocit po afron! Për herë të parë, qyteti do të jetë mikpritës i një festivali ndërkombëtar filmi – Valley Film Festival, që do të mbahet nga data 20 deri më 22 qershor 2025 në ambientet e Shtëpisë së Kulturës.
Për tri netë me radhë, dashamirësit e kinemasë dhe artit do të kenë mundësinë të ndjekin një përzgjedhje të kujdesshme filmash artistikë dhe dokumentarë, të marrin pjesë në bashkëbisedime me regjisorë dhe krijues filmikë, si dhe të përjetojnë një atmosferë frymëzuese dhe kreative.
Ky festival jo vetëm që sjell një risi kulturore në qytet, por edhe hap dyert për promovimin e talenteve vendore dhe ndërlidhjen me krijues ndërkombëtarë, duke e kthyer Bujanocin në një pikë referimi të re për artin filmik në rajon.
Hyrja është e hapur për të gjithë të interesuarit.
