Provat e dëshmitarët e mbrojtjes së ish-krerëve të Ushtrisë Çlirimtare të Kosovës (UÇK) do të fillojnë të paraqiten nga 15 shtatori i këtij viti.
Kjo është bërë e ditur në konferencën e së hënës për ecurinë e çështjes nga kryetari i trupit gjykues Charles Smith III.
Figura me peshë pritet të jenë pjesë e dëshmive në procesin e gjykimit në Hagë. Ata do të dëshmojnë për ekipin mbrojtjes të ish-presidentit Hashim Thaçi, ka paralajmëruar sot avokati i Thaçit, Pierre Prosper.
Ish-krerët e UÇK-së gjenden në qendrën e paraburgimit në Hagë për më shumë se katër vite. Hashim Thaçi, Kadri Veseli, Jakup Krasniqi dhe Rexhep Selimi akuzohen nga Dhomat e Specializuara për krime të pretenduara lufte dhe kundër njerëzimit.
